Hey Jude

Hey Jude
Datos
Tipu	cantar
Intérprete	The Beatles, Wilson Pickett y Mina
Idioma	inglés
Xéneru	música popular (es)
Lletrista	John Lennon y Paul McCartney
Compositor	John Lennon y Paul McCartney
Productor	ensin valor
Fecha publicación	1968

«Hey Jude» ye un cantar de la banda de rock británica The Beatles llanzada n'agostu de 1968 como primer senciellu del sellu discográficu de la formación, Apple Records. Acreitada a Lennon/McCartney, la tema ye una balada qu'evolucionó a partir de «Hey Jules», cantar que Paul escribió pa consolar a Julian, el fíu de John Lennon, dempués del divorciu de los sos padres. El cantar arrinca con una estructura de versu-ponte basada na interpretación vocal y l'acompañamientu al pianu de McCartney, a los cualos, según progresa'l cantar, van añadiéndose detalles complementarios qu'estremen les sos distintes seiciones. Dempués de la cuarta estrofa, camuda a un final o coda que se desenvuelve mientres más de cuatro minutos, hasta apagase progresivamente.

Con más de siete minutos de duración, foi nel so tiempu'l cantar más llargu de la hestoria n'ocupar el Top 10 de les llistes britániques de senciellos.^[1] Tamién pasó nueve selmanes como n.° 1 n'Estaos Xuníos —el tiempu más llargu que permaneció un cantar de The Beatles na parte cimera de les llistes estauxunidenses—. El senciellu vendió aproximao ocho millones de copies ya inclúyese nes llistes de los meyores cantares de tolos tiempos.

1. ↑ Lowry (2002), p. 44.